Dopu trent’anni facemmu ‘ nna rimpatriata
e fummu veramenti na bella armata.
Divintammu chiù maturi eppuru chiù granni
ma intra u cori nun criscinu l’anni.
Ritorninu ‘nmenti tanti mumenti passati
di tempi di scola e di tanti caliati.
Ormai putemu diri ca semu chiù assinnati
divintammu ginitura e semu puru maritati.
Cu è professionista , cu è lauriatu
e ni stu munnu modernu si trova ‘ncanalatu.
Ma chiddu chi cunta, è ca ni sapemmu ritruvari
e di tanti cosi vissuti putemmu parrari.
